مشكلة الطلاب العراقيين خارج العراق

السلام عليكم ورحمة الله وبركاته

انا من البصره وادرس حاليا في ماليزيا (هندسه مدني) من خلال تواجدي هنا بماليزيا شفت عدم الاهتمام بالطالب العراقي ومو بس عدم اهتمام وانما توصل احيانا للمحاربه .............ليش ما اعرف؟
يمكن بسبب سفارتنا العراقيه الموجوده هناك؟؟؟؟؟ كل الطلاب العرب الموجودين بماليزيا يستلمون رواتب شهريه من سفاراتهم ما تقل عن 500 دولار شهريا للطالب الواحد(جميع الدول العربيه مثل السعوديه اليمن ليبيا مصر وغيرها) ما عدى سفارتنا....ليش ما اعرف؟
من غير المنح الدراسيه للطلاب المتفوقين العرب على حساب الحكومه لحد ما يتخرج من الجامعه ...............واحنا طلابنا المتفوقين حتى كيلو بقلاوه ما اعطتهم حكومتنا............شوف الفرق ليش هم
ارجع واقول ما اعرف...............احيانا تصير مشكله على الاقامه للطلاب العراقيين هنا ......نروح نسأل نريد واحد من السفاره او من اتحاد الطلبه العراقيين ماكو جواب ولا شخص يجي نضطر احنا نروح
وندفع فلوس احنا ما لازم ندفعها .............بينما الطالب العربي اللي من غير دوله تجيله اقامته كامله لا يوصل ولا يتعب ولا يدفع فلوس ............وغيرها من الصعوبات اللي تواجه الطالب العراقي هنا بماليزيا
وغيرها من الدول .....ورغم كل هذا الطالب العراقي هنا هو المتفوق وهو القدوه ............اتمنى ان تنحل هاي المشكله قريبا وسفارتنا تهتم بينا اكثر حتى نقدر نواصل دراستنا وتقدمنا.
\

شكرا لمنتديات علاوي

شكرا بس خل اكلك شي هذا واقع حال وانت مابيدك تغير شي بس ادرس واثبت ان العراقي متهمة الصعاب

هلا والله عذيب
نورت المنتدى و نورت الموضوع

ننتظر مشاركاتك بفارغ الصبر